kod yektanet
Header

ناڵی – دڵ شكاوم

ناڵی – دڵ شکاوم

عه‌زیزم ، ڕۆحی شیرینم ، دوو چاوم !
ده‌وای زامی دڵ و جه‌رگی بڕاوم !

ئه‌تۆ شا ، من گه‌دا ، دادم بپرسه‌
له‌ زوڵمی چاوی بیمارت کوژاوم

ئه‌گه‌ر نه‌یده‌یته‌ ده‌س خۆم قاتیلی خۆم
له‌ رۆژی ئاخیره‌ت دا بێ پێناوم

ده‌سا لاده‌ سه‌ری زوڵفت له‌سه‌ر ڕووت
که‌رووتی رووتم و مایل به‌ تاوم

له‌ باتی خوێنی خۆم ڕازیم به‌ ماچێ
ده‌سا بیده‌ هه‌تا زیندووم و ماوم

ئه‌وا نیشانه‌یی مه‌رگم عه‌یانه‌
که‌من غه‌رقی خوێن و زوخاوم

مه‌که‌ن مه‌نعم له‌ شیوه‌ن ئه‌ی ڕه‌ فیقان
که‌ مه‌حزوون و غه‌مین و دڵ شکاوم

له‌ژینی خۆم ئومێدم قه‌تعه‌ (نالی)
که‌ سووتاوه‌ هه‌موو جه‌رگ و هه‌ناوم
(نالى)

0

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *