ئەڕۆی ئۆغر

کڵاولار! گورجی کەوڕەفتار! نەزەر ناکەی ئەڕۆی ئۆغر؟لە تیری ئاھی ناکامیم حەزەر ناکەی ئەڕۆی ئۆغر؟

بە دووتا ئەشکی حەسرەت خوێن ئەبارێنێ بەسەر دەشتاتەماشای لالەزاری ڕاگوزەر ناکەی ئەڕۆی ئۆغر؟

لە لای خەڵقی گەدایە گەردی ژێر پێی موڵکی دڵداریبە سایەت وەک ھوما تاجم لەسەر ناکەی ئەڕۆی ئۆغر؟

بە لەرزە و زەلزەلەی ئەو پڵپڵانەی دەوری پووشینتبینای ھەستیم ھەموو زێر و زەبەر ناکەی ئەڕۆی ئۆغر؟

ئەوا واعیز ئەڵێ لادە لە قیبلەی عەشق و جوانیی ڕووسەماعی وەعزی سەرتاپا زەرەر ناکەی ئەڕۆی ئۆغر؟

فریشتەی یا پەری یا حۆری ئەی شۆخی مەلەک شێوە؟بە عیشوە و خوو لە ھاوجینسی بەشەر ناکەی ئەڕۆی ئۆغر؟

بە تای دوڕڕی غەزەل ئەچنم لە حەسرەت ڕشتەیی گێسووت،مەتای عومری درێژکردووم لەبەر ناکەی ئەڕۆی ئۆغر؟

ئەڕۆی ئۆغر؟ ئەڕۆی ئۆغر؟ نەزەر ناکەی ئەڕۆی ئۆغر؟حەیام، عەقڵم، دڵ و دینم ھەدەر ناکەی ئەڕۆی ئۆغر؟