Aras Azhand – Bore Mele

وەختێ دەسوو وایەو گەڵا ئاما سەما بۆرێ مەلە
بێ شەک بیەی تۆ مەڵهەما پەی ئی خەما بۆرێ مەلە

داخێنێ تەقنا ڕۆمەتوو سووروو هەناری نیمە شەو
پایێز چەنی بێ تاقەتی پەی من سەما بۆرێ مەلە

بەشکەم بەسێحروو ئادەسا گەرمی وزی شاروو جەسەی
تاکەی بە تاسەو دیڐەنی هەرسەو چەما بۆرێ مەلە

چن مێوە دەیمەو سەرکەلی داخێ وەروو تابۆ شەراب
چانەی زیاتەر پەی دیەی من تاسەما بۆرێ مەلە

زانی کە مووسیقی خەمێ وەختا بڐۆ ڕیشەو دڵی
سازوو خەزانی دوور جەتۆ حەر ماتەما بۆرێ مەلە

ماچانێ پایێز عاشقا ئانەن پەڕا بێ تاقەتی
بڕیان جە یاری پەوکەتێ خاتر جەما بۆرێ مەلە

پایێز هەن و تا یانەکەت زرڐە گەڵا باست کەرۆ
من بە خشەو دەنگوو گەڵای چن ورکەما بۆرێ مەلە

شاعر : خەمیار هەورامی