پاییز
پاییز! پاییز!
بووکی پرچ زەرد!
من مات، تۆ زیز :
ھەردوو ھاودەرد!
من فرمێسکم، تۆ بارانت؛
من ھەناسەم، تۆ بای ساردت؛
من خەم، تۆ ھەوری گریانت،
دوایی نایە: دادم ، دادت،
ھەرگیز، ھەرگیز،
پاییز! پاییز!
پاییز! پاییز!
شان و مل رووت،
من مات، تۆ زیز،
ھەردووکمان جووت
ھەرچەند گوڵ سیس ئەبێ بگریین
ئاڵتوونی دار ئەڕژێ بگریین،
پۆلی باڵدار ئەفڕێ بگرین،
بگریین … بگریین … چاومان نەسڕین،
ھەرگیز، ھەرگیز،
پاییز! پاییز!
عبدالله گوران - پاییزگوران پاییز
Admin
0